БУЯНДЭЛГЭРИЙН БЛОГ

Өчигдөр орой тв-ээр шуугиан тариад байгаа алдарт найруулагч, бүх цаг үеийн ашиг орлогоороо тэргүүлж байгаа 2 киноны найруулагч Жеймс Камероны алдарт Титаник кино гарсан юм. Дахиад нэг үзэхэд сайхан байлаа. Үнэхээр гайхалтай ч кино. Жеймс Камерон бол үнэхээр л гайхалтай найруулагч юм гэхээс өөр юу хэлэхэв. Одоо ч Box Office-ийг тэргүүлж байгаа Аватар кино нь Титаникийн амжилтыг эвдэх байх (эвсэн ч байж магадгүй би энэ талаар мэдээлэл хайгаагүй). Тэгээд кино үзэж суухдаа хэдэн зураг дарсан юм. Роуз (Кейт Уйнслет) Жейк (Леонардо ДиКаприо) хоёр анх танилцаж байгаа нь
"Титаник үзэнгээ (фото)" цааш унших »

Энэ цэцэг бол гүнжийн нулимас гэдэг цэцэг. Манай ажлын газрын цонхон дээр ургаж байгаа цэцэг. Уйлж байгаа хүний нулимас шиг доош унжиж ургадаг цэцэгтэй. Их л олон цэцэг гаргадаг, тэгээд тэр нь унаад л, дахиж ургаад л, тийм болохоор нь гүнжийн нулимас гэж нэрлэсэн байлгүй.
"Гүнжийн нулимас (хэдэн цэцэг)" цааш унших »

Сэлэнгэ мөрөнг гатлаж байгаа нь
"Элдэв зурагнууд (Баруун аймгуудаар явсан)" цааш унших »

Доорхи зураг бол Баян-Өлгий аймгийн Баяннуур сумын захиргааны байр. Гэхдээ зуслангийнх нь байшин (байшин ч гэхэд хаашаа юм). Дээрээ төрийн далбаагаа чулуугаар овоолж байгаад тогтоочихсон байгаа. 

Харин энэ зураг бол сумын ШТС нь. Иймэрхүү гараар манийлддаг клонкууд хөдөө сумдаар олон шүү.

Би нэг найзынхаа бичсэн сонирхолтой бичлэгийг өөрийнхөө блогт оруулж байна. Манай найзын нэр нь гэвэл error (банжиг нэр нь) блог нь гэвэл энэ, аа энд оруулсан бичлэг нь оригоороо энд байгаа шүү.

Санта бол Есүс

Есүс христ амьд байгаа гэж би боддог. Сахал үс нь бууралтаад одооны байгаа санта клуас яг дүрээрээ мөн. Есүс нэг хэсэг хүн амьтны өвчтэй эрхтэн дээр гараа тавьж эдгээж яваад олны дунд нэр хүндтэй болсноос хойш  хүмүүс өөрсдөө ирж эмчлүүлдэг болж суугаа ажил хийсээр  гүзээ суусан.  Эсвэл хэт ачаалалтай ажилласнаас болж пиво их уудаг байсан байж магад.

Уг нь Есүс гэдэг байсан ч энэ олон хүний аврал эрэх дуунаас болж стрест хэт гүн орсон тул үхсэн гэсэн цуурхал тараагаад алга болсон. Үхсэнийхээ дараа дагалдагчдынхаа дунд нэг гарч ирж азаартдаг нь үүнийг батлах баталгаа юм. Харин тэр ингэж алга болохдоо Санта гэдэг нэрийг авсан боловч хэдэн жилийн дараа үс сахал нь бууралтахын цагт өнөөх тусч зан нь дахин хөдөлсон боловч дахин хүн эмчлэхийг хүссэнгүй. Ингээд энэ олон жил амьдрахдаа хүүхэдгүй байснаа санаж хүүхдүүдэд буян үйлдэхээр шийдсэнээр жил бүр тэдэнд зориулан бэлэг тараах болсон. Гэтэл энэ нь Есүс байснаас дутахгүй харин ч илүү их нэр хүндийг түүнд өгсөн юм. Харин тэр баян биш болохоор жилийн турш хөдөлмөрлөж хөдөлмөрлөж мөнгө хуримтлуулаад бүх цуглуулсан мөнгөө бэлгэнд зарцуулдаг. Харин бид Сантагаас авахаа л боднуу гэхээс өгөх тухай нэг ч бодож байгаагүй муухай хүмүүс.  Хөөрхий минь өөрөө нэг улаан хослолоос өөр хувцасгүй байгааг бид анзаардаггүй. Хамар, хацар нь ув улаан байдгийг санаж байгаа биздэ?Энэ бол өвлийн хүйтнийг үл хайхран бидний төлөө ажилласнаас болж гарч ирсэн ядаргааны шинж чанартай өвчин. Харин бид нар түүнийг хараад гоё харагдаж байна, зүс царай нь улаа бутраал гэж буруу онош тавьдаг. Харин ийм хүнд нөхцөлд ийм удаан амьдарч чадаж байгаа нь Есүс байхын л увидастай байсны ач тус юм. 

Бичсэн error.

Энэ хаана юу хийж байгаа хүмүүс бэ таагаарай???

      Надад нэг ийм зүйл ажиглагдах боллоо. Тэр нь юу бэ гэхээр ногоон өнгийн дуут гэрлэн дохиогоо асаагаад явж байгаа түргэн тусламжийн машинд замын хөдөлгөөнд оролцож байгаа бусад тээврийн хэрэгсэлүүд зам тавьж өгөхгүй юм. Уг нь бол дүрмээрээ тухайн зорчих хэсэгт явж байгаа бүх тээврийн хэрэгсэл зогсож байгаад тусгай дуут дохиотой машиныг өнгөрүүлэх ёстой байдаг. Гэтэл юун зам тавьж өгөх нь байтугай урд нь замыг нь хаагаад зогсож байхыг, хөдөлгөөнд нь саад учруулахаар байрлал эзлэх зэргийг хэд хэдэн удаа харав.

      Ямар ч өвчтэй хүн, магадгүй үхлийн эрмэгт явж байгаа хүн түргэн тусламжийн машинд явж байж болно шүү дээ, явж ч байгаа. Замын бөглөрөө, энхэл донхол, дүрмээ баримтлахгүй явдал, бусдын хүлээцгүй зан гээд жолооч нарыг бухимдуулах зүйл олон ч түргэн тусламжийн машиндаа ямар ч үед зам тавьж өгч, хөдөлгөөнд нь саад учруулахгүйгээр явуулах хэрэгтэй. Магадгүй таны ойр дотны хүн ч тусламж хэрэгтэй болоод түргэний машинд явж байж болох шүү дээ. Гэтэл зарим жолооч үүнд маш хэнэггүй байдлаар хандаж, сигналаа нүдэж байх юм. Хүний амь эрүүл мэндээс үнэтэй чухал зүйл байхгүй.  Жолоо мушгидаг хүн бүр үүнийг анхаарч үзээрэй? АМЬДРАЛ ҮХЛИЙН ЗААГ ДЭЭР Ч ЯВЖ БАЙЖ БОЛОХ ШҮҮ ДЭЭ?

      Би өнөөдөр Чингэлтэй уул руу гарсан юм. Тэгээд хотыг хартал ёстой хэлэх үг олдсонгүй. Үүлэн дунд онгоцоор нисэж байхад л ингэж харагдах байх. Энэ бол хотын баруун хэсэг баянхошуу, баруун, зүүн салаа гэх мэт
"Утаанбаатарыг уулан дээрээс харахад нэг иймэрхүү (фото зурагтай)... аймар юм" цааш унших »

      Ханбогд сумаас гарч аймгийн төв Даланзадгад хот руу явлаа. Орой 5 цагийн алдад Ханбогдоос гарсан юм. Гарахдаа сумын 3 хүнийг авч явлаа. Тэндэнтэй аж амьдралынх нь тухай энэ тэрийг ярилцаж явлаа. Ханбогдоос Оюу Толгой руу явсан их өргөн шороон замтай юм билээ. Ажилчидын автобус гэж хотод л явдаггүй (жуулчинд үйлчилдэг тохилог сайхан автобус) автобус байсан. Өмнөговь аймгийн байгаль нь надад их сонин сайхан санагдаж байлаа. Явсаар нар шингэж шөнө болсон. Тавантолгойн нүүрсийг зөөж байгаа машинуудыг гэрэл их холоос харагдаж байсан. Даланзадгад явах замд нэг коксний үйлдвэр байдаг юм билээ. Ингээд шөнө дундад Даланзадгадад орж ирэв.   Аймгийн нутгийн захиргааны ордон Аймаг сум бүрд л шахам ийм нутгийн захиргааны ордон гэж сайхан барилга байх юм билээ. Өглөө босоод аймгийн төвөөс баруун урагш байх Ёлын Ам руу очихоор шийдлээ. Даланзадгад хотын баруун урд Гурван Сайханы Нуруу оршино. Энэ нурууны хамгийн алдартай хавцал нь Ёлын Ам билээ.
"Өмнөговь аймагт" цааш унших »

      Өмнөговийн Манлай сумаас гараад Ханбогд сум руу явлаа. Их халуун байв. Ханбогд хүртэл 120 орчим километр зайтай. Маш олон эгнээ зам гаргачихсан байдаг юм билээ. Хөл хөдөлгөөн ихтэй. Нүүрс зөөж байгаа том даацын машинууд, бензины том машинууд, алт ухахаар явж байгаа хүмүүс гээд л. Сэрсэн говь л гэж ярьцгаадаг үнэхээр сэрэх нь сэрсэн байна лээ гэхдээ байгаль орчиндоо арай л хайр найргүй хандаж байна уу даа гэлтэй. Замд тааралдсан худаган дээрх тэмээн сүрэг
"Зүүн болон говийн аймгуудаар явж байгаад ирэв-3" цааш унших »